Диваажингийн үнэр

Шумуул хөлөглөн гэрлийн зүг одхуйяа
Шунгинах дэвэлт нь салхийг яран яран нислээ
Шуугин өнгөрөх салхи чихнээ баахан тээртэй
Шумар дэнгийн халууныг мартуулах ч янзтай
Бороо орохын өмнөх аниргүй бөгчимд
Буруу зөвгүй исгэрэх далавчны чимээнд дасжээ
Уулын толгойд очсон оройн залхуу нар
Улаан царайт өвгөн эвшээх мэт санагдаад
Дэндүү бяцхан шумуулын сонсогдох төдий дуутай
Дэвэх далавчны аясаар диваажин үнэртвэй