Алсын аянд чамайгаа үдэхүй

                                   Нар улайран гэрэлтэвч
                                    Цаанаа л жихүүн
                                    Намрын салхи
                                                               Башё Мацуо

Алсын аянд хонгор чамайгаа  мордуулаад
Амраг цээжинд минь цагаахан гуниг сүүмэлзвэй
Саран наран ээлжилж, тоотой хоногууд өнгөрнө
Сайхан чамтайгаа учирч гунигийн мананг сарниана

        Холын замд амраг чамайгаа  мордуулаад
        Хонгор цээжинд минь хөнгөн уйтгар үлдвэй
        Тоотой хоногууд өнгөрч, өдөр шөнө ээлжилнэ
        Торомгор чи минь ирж, гэрэл цацруулан учирна