Хайрын шувуухай

Зүрхний минь гүнд ургасан хайрын цэцгийн үрийг
Зүггүй нэгэн шувуухай зуугаад нислээ энхрий минь
Зүрхний чинь ховдолд зуусан үрээ суулгачихаад
Зуун хаврын тухай жиргэн наадлаа энхрий минь
Зүрхэнд чинь зориулж дуугаан дуулдаг билээ би
Зүрхээрээн чи тосон сонсдог билээ энхрий минь
Идгүй шидгүй махан биеийг тэр л дуун
Идэрхэн жигүүртэй болгодог билээ энхрий минь
Бидэн хоёрыг тойрон нисдэг хайрын шувуухай
Хэдэн зууныг ч алжаалгүй давах жигүүртэй билээ
 Ай энхрий минь  энхрийхэн минь дээ